Әлеуметтік желіде Ұлан ауданы Баяш Өтепов ауылында түсірілген видео тарап кетті. Онда көрінгендей, Сібе көліне апарар жолдың бойындағы шағын өзен жағасында кемірілген ағаштар құлап жатыр.
— Құндыздар қаптап барады. Олар ағаштарды кеміруін қояр емес, — дейді ауыл халқы.
Осыған қатысты Алмасай ауылдық округінің әкімдігінен жауап берді.
— Құндыздар санының біршама өскені рас. Десе де бұл жерде құндыздар бұрыннан өздеріне бөгет жасау үшін ағаштарды кеміріп, құлатып тастайды, — делінген ақпаратта.