Сот барысында белгілі болғандай, кәмелетке толмаған екі бала жәбірленушіні өз үйінің ауласында тосып алған. Сол кезде араларында кикілжің шыққан. Кейін сол жерге басқа да жасөспірімдер келіп, жәбірленушіге қысым көрсете бастады.
Л.,Т.,М және В. кәмелетке толмаған Б.-ны жылу қазандығы маңына апарып, ұрып-соққан. Осы уақытта М., В. және Ш. бәрін видеоға түсіріп алған.
— Екі ұл 11 жасқа толмаған, заң бойынша тек осы жастан бастап мамандандырылған мектепке орналастыруға болады. Видеоны түсірген 12 жастағы қыздың арнайы есепте тұрмағаны, бұрын құқық бұзушылық жасамағаны, сабақты жақсы оқитыны анықталды. Үшеуі де ювеналды полицияның арнайы есебіне алынды, — делінген сот үкімінде.
Ал қалған үш жасөспірім арнайы мектептерге жіберілді. 13 және 16 жастағы екі қыз сот шешімімен девиантты мінез-құлықты балаларға арналған мамандандырылған мектепке төрт ай мерзімге барады. Сот олардың жиі заң бұзып келгенін анықтады. Нақты айтқанда, ішімдік ішкен, қоғамдық орындарда мас күйде жүрген, түнде ересектердің қарауынсыз үйден шығып кетіп отырған. Қажет болған жағдайда мектептің өтініші бойынша бұл мерзім ұзартылуы мүмкін.
13 жастағы ұл алты ай мерзімге ерекше режимдегі мектепке жіберілді. Ол екі айда екі рет қылмыстық құқық бұзушылық жасаған. Бала 2025 жылдың қаңтарынан бастап ювеналдық полицияда есепте тұр.
Сот үкімі әлі заңды күшіне енген жоқ.
