Шығыс Қазақстан облысындағы өзендерде мұз кептелісінің алдын алу мақсатында жарылыс жұмыстары жалғасып жатыр. Осы жолы Шемонаиха ауданындағы Үбе өзенінде жарылыс жасалды. Соның нәтижесінде жалпы ауданы 7812 шаршы метр мұз ұсақталды.
— Бұл алдын алу шаралары мұз кептелісі қаупін азайту үшін жүргізілуде. Сондай-ақ ол су тасқынына қарсы іс-шаралардың бір бөлігі, — деп хабарлады ШҚО Төтенше жағдайлар департаментінің баспасөз қызметінен.
Ведомство дерегінше, облыста су тасқыны қаупі жағдайына тәулік бойы мониторингі жасалуда.