Шығыс Қазақстан облысы Шемонаиха ауданында полиция қызметкері Нұрлан Тұрлыбеков қиын жағдайға тап болған азаматқа көмек көрсеткен.
Патрульдеу барысында тәртіп сақшысы мас күйде болуы мүмкін азаматты байқап, оны медициналық куәландыруға жеткізу туралы шешім қабылдаған. Алайда жолда ер адамның жағдайы күрт нашарлап, эпилепсия ұстамасы басталған.
— Аға лейтенант Тұрлыбеков шұғыл түрде жедел жәрдем шақырып, алғашқы медициналық көмек көрсеткен. Оның жедел әрекетінің арқасында ер адамның жағдайы тұрақтанып, келген медицина қызметкерлері оны дер кезінде ауруханаға жеткізген. Қазіргі уақытта азаматтың өміріне ешқандай қауіп төніп тұрған жоқ, — деп хабарлады ШҚО Полиция департаментінен.