Осы жылдың қаңтар айында кофе бағасы 2024 жылдың қаңтарымен салыстырғанда 8,9%-ға, шай құны 4,1%-ға қымбаттады. Атап айтқанда, еритін кофе 8,4%-ға, кофе дәндері 13,1%-ға, қара шай 4,3%-ға, ал жасыл шай небәрі 0,3%-ға қымбаттады.
Облыстарға бөліп айтар болсақ, кофе негізінен Батыс Қазақстан (25,7%-ға), Қызылорда (28,6%-ға) облыстарында және Астана қаласында (17,8%-ға) қымбаттаған. Бағаның ең аз өсуі Абай облысында (2,9%-ға) тіркелсе, Ақмола облысында баға тіпті 3,6%-ға арзандады.
Шайға келсек, ең жоғары жылдық баға өсімі Ұлытау (10%-ға), Ақтөбе (8%-ға) және Шығыс Қазақстан (7,7%-ға) облыстарында байқалды. Ең төменгі баға өсімі Қостанай облысында тіркелген — 2,4%.