Шығыс Қазақстан облысында күз кезінде эпидемиялық маусым басталғалы бері 150 мыңнан астам адам ЖРВИ жұқтырды. ШҚО Санитарлық-эпидемиологиялық бақылау департаменті баспасөз қызметінің мәліметіне сүйенсек, өңірде жедел респираторлық вирустық инфекция және тұмаумен ауырғандар саны артып барады. Нақты айтқанда, өткен жылғы сәйкес кезеңмен салыстырғанда 2,56 пайызға көбейген.
— Барлығы 150 мыңнан астам адам ЖРВИ жұқтырды. Оның ішіндегі жартысынан астамы, яғни 81 237 адам Өскеменде тіркелген. Сондай-ақ Глубокое ауданы мен Алтай қаласында да ауырғандар саны көп. Ал Марқакөл ауданында ауруға шалдыққандар саны ең аз, — делінген ақпаратта.
Облыс бойынша тұмаумен 26 адам ауырған. Оның ішіндегі 90 пайызы Өскеменде тұрады.