Өңірдегі осы аптаның басынан бергі аяз кетіп, оның орнына қалың қар жауады. Атмосфералық фронттардың өтуімен сілбі қар түсіп, көктайғақ болады деп күтілуде.
«Қазгидромет» РМК мәліметінше, ел шығысында қар жауып, тұман түседі. Бұрқасын болып, екпінді жел соғады. Республика бойынша да тұман түседі деп күтіліп отыр.
— 7-8 ақпанда облыста аязды ауа райы сақталады. Түнде кей жерлерде ауа температурасы -35 градусқа дейін төмендейді. Бірақ 9 ақпанда аймақта біртіндеп күн жылына бастайды. Есесіне қар жауып, бұрқасын болады, — делінген ақпаратта.
Өскеменде 8 ақпанда қар жаумай, ашық ауа райы күтіледі. Ауа температурасы күндіз 17-19, түнде 24-26 градус нөлден төмен. 9 ақпанда қар жауып, ауа температурасы күндіз 12-16 градус, түнде 19-22 градус аяз болады.