Шығыс Қазақстан облысы әкімінің өкіміне сәйкес 1 ақпаннан бастап облыс аумағында су тасқыны кезеңіне жоғары дайындық режимі жарияланды.
Осыған байланысты облыстың су айдындарына мониторинг жүргізіледі. Қазіргі уақытта жергілікті атқарушы органдар 156 мың текше метрден астам қар шығарған.
ШҚО төтенше жағдайлар департаменті баспасөз қызметінің мәліметінше, су тасқыны қаупі төнген жоғары кезең басталғанда жедел ден қою үшін жеке құрамнан 2511 адам, 242 мотопомпа, 46 жүзу құралы және 800-ден астам техника әзірленді.
— Сондай-ақ 64 мың ыдыс-қап, 9323 тонна инертті материалдар және 263 тоннадан астам жанар-жағармай дайындалды. Осы ретте, ТЖД қызметкерлері тұрғындарға көктем келгенде өз ауласы аумағын қардан, арықтарды мұздан тазарту қажеттігін ескертеді, — делінген ақпаратта.
