Зайсан ауданының тұрғыны түнде мал тасымалдау үшін ауылға жолға шығып, бірақ қиын жағдайға тап болған. Қарлы боранның салдарынан жолдан адасып қалып, оған қоса көлігі қарға батып қалған. Жақындарына қоңырау шалып, ала алмаған жүргізуші, учаскелік инспектордың көмегіне жүгінген.
— Полиция капитаны Серік Мұратұлы бірден жолға шығып, жүргізушіні лезде тапқан. Оның қар құрсауынан шығуына көмектесіп, екеуі бірігіп көлікті қар құрсауынан шығаруға кіріскен. Артынша полицей көлікті қызметтік автокөлігімен сүйреп, ер адамды ауылға дейін жеткізіп тастаған, — деп хабарлады ШҚО Полиция департаментінен.
Өз кезегінде жүргізуші қиын сәтте көрсеткен қолдауы үшін тәртіп сақшысына алғысын білдірді.