Риддер қаласының көшелерінде 3 600 жарық нүктесі орнатылған. Олардың әрқайсысын уақтылы тексеріп отыру қажет. Тендерді жеңіп алған мердігер шаһардағы электр жабдықтары мен әуе желілерін күн сайын тексеріп отыруға міндетті. Егер ақау анықталса, мамандар акті жасап, бір сағат ішінде жөндеуге кірісуі керек.
Көше жарық шамдарын күтіп-ұстау үшін жылына 306 ұйымдастырушылық-техникалық іс-шара жоспарланған. Оған жоспарлы және апаттық жағдайлардағы жөндеу жұмыстары кіреді. Көше жарығын қосу және өшіру географиялық орналасуына сәйкес жасалған арнайы кесте бойынша жүзеге асады.
Барлық жұмыс қалалық сыртқы жарықтандыру қондырғыларын пайдалану жөніндегі әдістемелік нұсқауларға сәйкес жүргізіледі. Мердігердің барлық материалдық және еңбек ресурстары Риддер қаласында болуы тиіс.