Осы жылдың қаңтарында қымбаттаған әлеуметтік маңызы бар өнімдердің ішінде картоп көш бастап тұр. ҰСБ-ның 21 қаңтардағы мәліметі бойынша мегаполистерде және өңірлерде бұл дақылдың құны бір жылдың ішінде (2024 жылдың 16 қаңтарымен салыстырғанда) 57,8% өскен. Ел бойынша әлеуметтік маңызы бар азық-түлік тауарларының инфляциясы 2,5%.
Картоп бағасының өсу динамикасы өңірлерде әртүрлі. Солтүстік және орталық өңірлердегі ірі қалалар – Қарағанды мен Көкшетауда бағаның ең төмен өсуі (31,5%, бәрібір де айтарлықтай жоғары) байқалды. Картопты шетелге экспорттайтын Түркістан (34,6%), Шымкент (37,7%) қалаларында өнім бағасы қатты көтерілген жоқ.
Сұраныстағы бұл өнімнің бағасы Астанада (2 есеге), Алматыда (85,7%) және Атырауда (76,7%) қымбаттаған. Шығыс Қазақстанда бұл көрсеткіш 72,3% көрсетіп отыр.
