Облыстық Төтенше жағдайлар департаменті баспасөз қызметінің мәліметіне сүйенсек, ең әуелі тауда жүретін маршрутты алдын ала егжей-тегжейлі зерттеп алу қажет.
— Қар көшкіні қаупі бар жерлерге барудан аулақ болыңыз, әсіресе қар мол жауғаннан кейін. Жақындап келе жатқан көшкін шуын естігеннен кейін бірден 50-100 метр жоғары көтерілу керек. Егер көшкін астында қалсаңыз өміріңізге қауіп төнетінін қаперде ұстаңыз, — делінген ақпаратта.
Қар көшкіні мен сел ағынынан тек қашу арқылы құтылуға болады.
— «112» жедел желісінен келетін ескертулерді қадағалап отырғаныңыз жөн. Осы қауіпсіздік шараларын қолдана отырып, сіз өзіңіздің және жақындарыңыздың өмірін сақтап қала аласыз, — делінген хабарламада.