Шығыс Қазақстан облысында есірткі жарнамасын жою бойынша акция өткізілді. Оған полиция қызметкерлері, Аманат партиясы жанындағы «Жастар Рухы» жастар ұйымының өкілдері және қоғам белсенділері қатысты.
— Негізгі мақсат — есірткі заттары мен сайттар туралы ақпарат таратуға бағытталған граффитиді, QR кодтарын және жарнаманың басқа түрлерін анықтау және жою. Қаңтар айының басынан бері есірткі жарнамасының 100-ден астам фактісі, соның ішінде тұрғын үйлердің қабырғаларында және басқа да қоғамдық орындардағы граффити бояулары жойылды. Бұған қоса, 50-ден астам сауда нүктелерінің иелеріне түсіндіру жұмыстары жүргізілді, — деп хабарлады ШҚО ПД.
Осы ретте, полиция қызметкерлері тұрғындарды қырағы болуға және есірткіні насихаттайтын граффити немесе онымен айналысатын адамдар анықталған кезде 102 жедел арнасына дереу хабарлауға шақырды.