«Азаматтарға арналған үкімет» мемлекеттік корпорациясы Жаңа жыл мерекесіне байланысты еліміздегі халыққа қызмет көрсету орталықтары мен арнайы ХҚО-лар қаңтардың 1-і мен 3-і аралығында жұмыс істемейтінін хабарлады.
Бірақ 4 қаңтарда, яғни сенбіде кезекші қызмет көрсету орталықтары ашық болады. Қабылдау сағат 9:00-ден 13:00-ге дейін.
5 және 6 қаңтарда еліміздегі барлық орталықтар әдеттегідей жұмыс істейді. Қазақстанда православиелік Рождество 7 қаңтарда тойланатындықтан, бұл күн де халыққа қызмет көрсету орталықтары мен арнайы ХҚО-лар үшін демалыс күні.