Семей қаласына Шығыс Қазақстаннан келген, «гастрольдік квартет» деген атпен танылған қылмыстық топ мүшелері құрықталды.
Облыстық Полиция департаментінің мәліметіне сүйенсек, тәртіп сақшылары пәтер тонаумен айналысып келген 4 адамды қылмыс барысында ұстады. «Гастрольдік квартет» деген атпен танылған олар Семейге ШҚО-дан 19 желтоқсанда келген.
— Келесі күні күдіктілер пәтерден 15 млн теңгенің мүлкін ұрлап кеткен. Ұрланған заттардың ішінде алтын бұйымдар мен сейфтен алынған қомақты ақша бар. Қылмыстық схема әдеттегідей жоспарланған: екі адам пәтердің құлпын кілт таңдау арқылы ашса, қалған екеуі сыртта қауіпсіздікті бақылап тұрған. Барлық күдікті ұсталып, изоляторға қамалды, — делінген ақпаратта.
Оларға қатысты «ғимаратқа заңсыз кіру арқылы ұрлық жасау» бабы бойынша сотқа дейінгі тергеу амалдары басталды. Күдіктілердің мүлкі тәркіленіп, 7 жылға дейін бас бостандығынан айырылуы мүмкін.