Астана қаласының Азаматтық істер жөніндегі ауданаралық соты А.есімді азаматтың Қазақстан Республикасы Үкіметіне қатысты талап арызын қарады. Онда ол бұрынғы уақыт белдеуін қайтару қажеттігін жеткізген.
Сот шешімімен талап арыз қанағаттандырусыз қалдырылды.
— 2000 жылғы 26 қаңтардағы №131 қаулымен Үкімет жанынан Уақыт және анықтамалық жиіліктер жөніндегі ведомствоаралық комиссияның атынан консультативтік-кеңесші орган құрылды. Комиссия міндеттерінің бірі — ел Үкіметіне республика аумағында уақытты есептеу тәртібін белгілеу және өзгерту жөнінде ұсыныстар енгізу. Талап арызға негіз болған қаулыларды қабылдау Үкімет Қазақстан Республикасы Конституциясының 69-бабында берілген өкілеттіктер шегінде жүзеге асырылды. Сонымен қатар 2000 жылғы 23 қарашадағы қаулы қабылданғаннан бері 24 жылдан астам уақыт өтті. Талапкер жалпы талап қою мерзімін үш жылға өткізіп алған, — деп жазылған сот үкімінде.
Үкім әлі заңды күшіне енген жоқ.