2024 жылы өңірде 5 мыңға жуық адам пневмонияға шалдықса, оның ішінде 88 адам көз жұмды. Бұл туралы Шығыс Қазақстан облыстық Денсаулық сақтау басқармасы хабарлап отыр.
— Көбінесе пневмония бактериялар мен вирустардан тарайды. Кейбір жағдайларда адамдардың пневмониямен ауруына саңырауқұлақтар мен паразиттер себеп болып жатады, — делінген ақпаратта.
Жыл басынан бері облыста коронавирус инфекциясының зертханалық расталған 54 дерегі анықталды.
Айта кетейік, Шығыс Қазақстан облысында өткен жылмен салыстырғанда пневмония ауруы 2,3 есеге артқан.