Өскемен қаласындағы орталық алаңда жаңажылдық шырша орнатылуда. Жуық арада мамандар мерекенің басты символын безендіруге кіріспек.
Айта кетейік, облыс орталығында Жаңа жылға дайындық қараша айының соңында басталған болатын.
Биыл да шырша бұрынғыдай ұлттық стильде дәстүрлі ою-өрнектермен безендірілмек. Қолданылатын элементтер санын жүзге жеткізу жоспарланып отыр екен. Жарықтандыру кезінде ашық әрі қою түстер қолданылмақ.
— Біз жаңажылдық атмосфераны қаланың орталығында ғана емес, барлық бұрышында сезіндіруге тырысамыз. Шаһар тұрғындарының тілектеріне ерекше назар аударылды, — деп хабарлады қалалық ТҮКШ бөлімінен.