Бүгін «Алтай Альпісі» демалыс базасында жаттығу кезінде аспалы жолда тросс үзіліп, спортшылардың бірі иығынан жарақат алды. Оқиға орнына жедел жәрдем шақырылды. Ауыр жарақаттар анықталмағанымен, мамандар 2013 жылы туған спортшыны толық медициналық тексеру үшін Өскемен қаласындағы “Ана мен бала орталығына” алып кетті.
Оқиға орнына құқық қорғау органдарының өкілдері, спорт басқармасының қызметкерлері және Глубокое ауданының әкімі Елдар Тұмашинов келді. Жағдайдың себебін анықтау үшін арнайы комиссия құрылды. Бұл мәселе облыс әкімінің жеке бақылауына алынды.
Қазір мамандар «Алтай Альпісіндегі» тросс үзілу себебін тексеруде.