«Браконьер» жедел алдын алу шарасын жүргізіп жатқан тәртіп сақшылары «Өскемен-Самар» тасжолында автокөлікті тоқтатқан.
«Тексеру кезінде көлік салонынан тиісті құжаттарсыз тасымалданған 16 қапқа салынған тірі шаяндарды тапқан. Аталған факті бойынша қылмыстық іс қозғалды.
Сараптама тағайындалып, тергеу амалдары жүргізіліп жатыр», — делінген облыстық ПД таратқан ақпаратта.
Күдікті Өскеменге жеткізілді. Анықталғандай,ол 240 келіден астам шаянды басқа адамнан сатып алған.
«Алдын ала дерек бойынша заңсыз шаян аулаудың салдарынан мемлекетке келтірілген залал мөлшері 1,6 млн теңгені құрады», — делінген хабарламада.
