Өңірде әккі алаяқтар азаматтарға ақылы жолмен жүргендігі туралы СМС-хабарламалар жіберу арқылы алдаудың жаңа әдісін ойлап тапты.
Хабарлама мәтінінде адамның ақылы жолдармен жүргендігі үшін қарызы бар екендігі көрсетілген. Ақпарат алу үшін оған фишингтік сілтемеге өту қажеттігі жазылады.
Облыс тұрғындарының көбісі бұны жаңа көпірмен байланыстырып жатты. ШҚО Жолаушылар көлігі және автомобиль жолдары басқармасының басшысы Нұрлан Жұмаділовтің айтуынша, бұл алаяқтардың жаңа әдісі.
«Көпірмен жүру көліктің барлық түрі үшін тегін. Мұндай хабарламаларды алаяқтар жіберіп жатыр. Азаматтарды мән бермеуге және күдікті сілтемелерге өтпеуге шақырамыз», — деді ол.