Қазіргі уақытта Шығыс Қазақстан облысында алдағы қыс мезгіліне қызу дайындық жасалып жатыр. Республикалық және облыстық маңызы бар жолдардағы қар тазалайтын техникалардың дайындығы 90 пайызды құрайды. Аймақта жауатын қардың молдығын ескерсек, техника жетіспеушілігі сезіледі.
— Әсіресе қар жиі жауып кеткенде техника жетіспей қалады. Бірақ соған қарамастан жалға алатын резервтік техникалар бар. Келісімшарттар жасап, қажет болған жағдайда қосымша техника тарта аламыз. Сондай-ақ биыл «ҚазАвтоЖол» компаниясымен меморандум жасалды, — дейді «ОблШығысЖол» ЖШС жол қауіпсіздігі қызметінің бастығы Ришат Күдербаев.
Оның айтуынша, форс-мажор кезінде жол жөндеу жұмыстарын жүргізетін ірі мердігерлер де техникамен көмектеседі.
