Тінту кезінде жедел уәкілдер ер адамнан экстази таблеткаларын, 30 грамдай α-PVP және 40 грамға жуық мефедронды тәркілеген. Анықталғандай, ұсталған жігіт қыркүйек айында басқа облыстан Өскеменге келіп, жалдамалы пәтерде тұрып жатқан.
Еш жерде жұмыс істемеген ол танымал мессенджердегі парақша арқылы есірткі таратумен айналысты. Айғақ ретінде күдіктінің смартфонындағы синтетикалық есірткілерді жасыратын орындардың фотосуреттері мен басқа да өндірілетін есірткі туралы мәліметтер алынды.
— Есірткі, психотроптық заттарды, сол тектестерді аса ірі мөлшерде беру, өткізу немесе жөнелту мақсатында заңсыз иемдену, сақтау, тасымалдау фактісі бойынша сотқа дейінгі тергеу амалдары жүргізілуде. Күдікті уақытша ұстау изоляторына қамалд. Ол 10-нан 15 жылға дейінгі мерзімге бас бостандығынан айырылуы мүмкін, — деп хабарлады ШҚО Полиция департаментінен.