Жыл басынан бері ШҚО диқандары тыңайтқыштарды сатып алудың жаңа аванс жүйесінің арқасында өз шығындарын айтарлықтай қысқартты. Бұл жүйе тыңайтқыштарға кететін шығынды 60%-ға азайтуға мүмкіндік беріп отыр. Бұл туралы ШҚО Өңірлік коммуникациялар қызметінде өткен баспасөз маслихатында ШҚО Ауыл шаруашылығы басқармасының басшысы Ажар Каджибекова мәлім етті.
— Жаңа жүйенің негізгі ерекшелігі — тыңайтқыштар құнының 60%-ын мемлекет тікелей отандық өндірушілерге субсидия түрінде аударып, диқандарға оларды 40% жеңілдікпен сатып алуына мүмкіндіктің берілгені. Нәтижесінде, 2024 жылы ШҚО диқандарына 5820 тонна тыңайтқыш беріліп, оған 513 млн теңге субсидия бөлінді. Аталған шара фермерлердің қаржылық жүктемесін азайтып қана қоймай, өнімділіктің артуына да ықпал етті, — деді ол.
Ауыл шаруашылығы министрлігінен бұл қолдау фермерлердің экономикалық жағдайын жақсартып, өңірдегі ауыл шаруашылық өнімдерінің тиімділігін арттырғанын атап өтуде.