Шығыс Қазақстан облысы Прокуратурасы баспасөз қызметінің мәліметіне сүйенсек, прокурорлар жүргізген талдау барысында «Самар» коммуналдық мемлекеттік кәсіпорынның еңбек кодексі талаптарын бұзғаны анықталған.
«Кәсіпорын 37 қызметкерге тамыз айында жалпы сомасы 4,1 млн теңге жалақы төлемеген. Аудан прокуратурасының қадағалау актісі бойынша қызметкерлер алдындағы борыш қазан айында толық көлемде өтелді», — делінген ақпаратта.
Сондай-ақ жалақыны уақытылы төлемегені үшін кәсіпорынға ҚР ӘҚБтК-нің 87-бабы бойынша 60 АЕК (221 520 теңге) мөлшерінде айыппұл салынды.
