5-20 қараша аралығында Шығыс Қазақстан облысында «Браконьер» жедел алдын алу шарасы өтеді. Полиция қызметкерлері заңсыз аң аулау, балық аулау және ағаш кесу деректерінің жолын кесу мақсатында табиғатты қорғау заңнамасының сақталуын бақылауды күшейтеді.
— Рейдтік шараларға полиция қызметкерлері мен табиғат қорғау органдарының өкілдері тартылады. Олар аңшылық алқаптарын, су айдындарын, көлік құралдарын, жануарлардан алынатын өнімдерді қабылдау және сату орындарын тексереді. Заңсыз аң-құс пен балық аулау, қаруды заңсыз сақтау және пайдалану, табиғатты қорғау және жер қойнауын пайдалану саласындағы өзге де құқық бұзушылықтардың алдын алуға ерекше назар аударылады, — деп хабарлады ШҚО Полиция департаментінен.
Осы ретте, тәртіп сақшылары тұрғындар мен өңір қонақтарын табиғатты қорғау талаптарын сақтауға және браконьерлік фактілері туралы 102 жедел арнасына хабарлауға шақырды.