Биыл Өскемен қаласындағы Ертіс көпірі тағы да толыққанды жөндеуден өтпейді. Көпірдегі қазіргі жол қозғалысы жағдайына байланысты биыл оның жол жабынына тек шұңқырларды жамау жұмыстары жүргізілмек.
Мұндай шешімге бірнеше фактор әсер еткен. Көпірді тексеру барысында мамандар тірек конструкцияларында ақаулар бар екенін анықтаған. Көпірге толыққанды жөндеу жүргізу үшін жол қозғалысын шектеу қажет. Алайда қазір осы учаскеде, Сәтбаев даңғылының бойында, жол айрығын салуға байланысты қозғалыс ішінара шектелген.
– Қыс мезгілінде көпірдің астыңғы бөлігіндегі жөндеу жұмыстарын бастаймыз. Бұл жұмыстарды жүргізуге ауа температурасы кедергі келтірмейді. Жоспарымыз толық орындалмады, сондықтан айтылған сынды кез келген жағдайда қабылдаймыз. Көпір арқылы көлік қозғалысы қамтамасыз етіледі. Келесі жылы толыққанды жөндеу жұмыстарын бастаймыз. Биыл тек шұңқырларды жамау жұмыстары жүргізіледі. Түсіністікпен қарауларыңызды сұраймын, – деді Өскемен қаласының әкімі Алмат Ақышов.
Сонымен қатар биыл Сәтбаев даңғылындағы жол айрығын ашу жоспарланып отыр. Қазіргі уақытта нысанда құрылыс жұмыстары жалғасып жатыр. Жол айрығының құрылысын 2027 жылы аяқтау көзделген.