Өскемен қаласындағы Защита ықшамауданында орналасқан бірнеше көшенің тұрғындары 22 шілдеден бастап ыстық сусыз отыр. Бұл туралы «Шығыс Жылу» АҚ хабарлады.
— Ыстық су беру 28 шілде күні сағат 17:00 шамасында қайта қалпына келтіріледі. Уақытша шектеу гидравликалық сынақтардан кейін жылу желісінде анықталған ақауды жою жұмыстарына байланысты енгізілген, — деп хабарлады компаниядан.
Ыстық су келесі көшелердегі көпқабатты тұрғын үйлерде уақытша тоқтатылды: Братская, Казанская, Вострецов, Косарев, Машиностроителей, Свобода, Теміржолшылар, Тынышбаев және Филатов көшелері.