2026 жылы Өңірлік жұмыспен қамту картасы аясында Шығыс Қазақстан облысында 17 440 жұмыс орнын ашу жоспарланған. Оның 13 046-сы тұрақты, тағы 4 394-і уақытша болуы тиіс. 3 шілдедегі жағдай бойынша 7 018 жұмыс орны, яғни жылдық жоспардың 40%-ы ашылды. Соның ішінде 4 694 тұрақты және 2 324 уақытша жұмыс орны бар.
Мемлекет басшысының тапсырмасына сәйкес, «еңбекке қабілетті әрбір 10 мың тұрғынға 100 жұмыс орнын ашу» көрсеткіші аясында 4 142 жұмыс орнын құру көзделген. Қазіргі уақытта 1 972 жұмыс орны ашылды, бұл жоспардың 48%-ын құрайды. Бос жұмыс орындарына орналастыру бағыты бойынша жоспар 8 301 орынды қамтиды. Есепті күнге 2 707 адам жұмысқа орналасқан, немесе жоспардың 33%-ы орындалды. Субсидияланатын жұмыс орындарына 3 205 адамды орналастыру жоспарланса, оның 2 211-і жұмысқа қабылданды. Бұл – 69%.
Ең төмен көрсеткіш инфрақұрылымдық және инновациялық жобалар бағытында тіркелді. Жоспарланған 1 492 жұмыс орнының 128-і ғана ашылған, немесе 9%. Жалпы осы бағыт бойынша 788 адам жолданды. 400 АЕК-ке дейінгі гранттар есебінен 300 жұмыс орнын ашу көзделген. Алайда есепті күнге олардың бірде-біреуі құрылмаған. Өтінім қабылдау 2026 жылғы 24 маусым мен 8 шілде аралығында өтті.
Жалпы көрсеткіш 40% болғанымен, жоспардағы бағыттардың орындалу қарқыны айтарлықтай ерекшеленеді. Субсидияланатын жұмыспен қамту көрсеткіші 69%-ға жетсе, инфрақұрылымдық жобалар әлі 9% деңгейінде қалып отыр.