Ахмирово кентінің тұрғындары жол, электрмен жабдықтау, автобус қатынасы және басқа да мәселелерді айтты.
Бүгін облыс орталығында Өскемен қаласының әкімі Алмат Ақышов Ахмирово кентінің тұрғындарымен кездесті.
Жиын барысында тұрғындар өздерін толғандырған негізгі мәселелерді көтерді.
Сауалдардың бір бөлігі кент көшелеріндегі жол жабынының жағдайына, электрмен жабдықтау мен абаттандыруға қатысты болды.
Айта кетейік, кентке жақын маңдағы саяжай бірлестіктерінің бір бөлігі де қарайды. Олардың тұрғындарын да жолдардың жағдайы мен электрмен жабдықтау мәселесі алаңдатады.
– Барлық мәселе бойынша тиісті тапсырмалар беріледі. Қажет жерлерде жолдарға қиыршық тас төселеді. Электрмен жабдықтау мәселесі де бақылауда, – деді Өскемен қаласының әкімі Алмат Ақышов.
Өскеменнің шеткері аудандарының тұрғындарымен мұндай кездесулер тұрақты түрде өткізіліп тұрады.