2019 жылдан бері Шығыс Қазақстан облысында бағаны тұрақтандыру бағдарламасына бюджеттен 4,5 миллиард теңге бөлінді. Бұл қаражат жеткізушілерге берілген қарыз түрінде үнемі айналымда болады.
Комиссия шешімімен 2025 жылғы мамырдан бастап тұрақтандыру тетігі күріш, қант, өлшеніп сатылатын рожки макароны, күнбағыс майы, қарақұмық жармасы және тұзды қамтиды. Бұл өнімдерді ЖК «Эрликова» жеткізеді.
Тізімге картоп, сәбіз, пияз және қырыққабат та енгізілген. Көкөністерді ШҚ «Мусин Мади Кайратович» жеткізеді.
2025 жылғы қазаннан бастап тетік ет өнімдеріне де қолданылды. Сүйекті сиыр етінің жауырын-төс бөлігі «Восток-Молоко» корпорациясының екі фирмалық сауда нүктесінде келісіне 2 790 теңгеден сатылады. ШҚ «Украинка» 200 миллион теңге қарыз алды.
«Ертіс» ӘКК өз сауда желісін 2012 жылдан бері дамытып келеді. Қазір желіде 46 нысан бар: оның 21-і меншікті сауда павильоны, ал 25-і меморандум негізінде жұмыс істейтін серіктестік нүкте.
Өңірде жаңа үлгідегі сауда павильондарының ашылуы да күтілуде. Олар кең әрі сатып алушыларға ыңғайлы болады.