Премьер-министр Олжас Бектенов Мемлекет басшысы қойған міндеттерге сәйкес, отандық автомобиль өнеркәсібі толыққанды жоғары технологиялық салаға айналуы тиіс екенін атап өтті.
— Машина жасау саласы – экономиканы өркендетуге және оны іс жүзінде әртараптандыруға ықпал ететін аса маңызды бағыттардың бірі. Мемлекет басшысы отандық автомобиль өнеркәсібін толыққанды жоғары технологиялық салаға трансформациялау міндетін қойды. Осы орайда, KIA Qazaqstan, Astana Motors және басқа да ірі жобалардың жүзеге асырылуы еліміздің бүкіл өнеркәсібін технологиялық тұрғыдан жаңғыртуға елеулі серпін берді, — деп атап өтті Олжас Бектенов.