Жол-көлік оқиғасы 16 шілдеде Риддер қаласында болды. Шығыс Қазақстан облыстық полиция департаментінің мәліметінше, жүргізуші қауіпсіз жылдамдықты таңдамаған, жол жағдайын ескермеген және рульді басқара алмай қалған.
— Соның салдарынан ауыр жүк көлігі жол жиегінен шығып, аударылып қалған. Жол апатына байланысты жүргізушіге қатысты әкімшілік хаттама толтырылды, — деп хабарлады ведомство өкілдері.
Осы ретте, полиция қызметкерлері көлік жүргізушілеріне жол ережесін қатаң сақтап, барынша абай болу қажеттігін жеткізді.