Ертең облыс орталығындағы Үлбі көпірінің бір жағында көлік қозғалысы уақытша шектеледі.
Бұған жөндеу жұмыстары себеп. Бұл туралы Өскемен қаласының ТҮКШ бөлімінен хабарлады.
Айта кетейік, тұрғындар көпірдегі тарсылға көптен бері шағымданып жүр.
– 18 шілде күні сағат 8:00-ден 17:00-ге дейін Үлбі көпіріндегі деформациялық жікті жөндеуге байланысты Нұрмағамбетов көшесінен Спорт сарайына қарай бағытталған жолақта көлік қозғалысы ішінара шектеледі, – деп мәлімдеді ведомство өкілдері.
Жүргізушілерден жол бағытын жоспарлау кезінде осы ақпаратты ескеру сұралады.