Облыс орталығында жас қызға қатысты зорлық-зомбылық әрекеттері бойынша қозғалған қылмыстық іс тергеліп жатыр.
Әлеуметтік желіде жәбірленушінің анасы жұбайы олардың баласына қатысты зорлық-зомбылық әрекеттері үшін жауапкершіліктен жалтаруы мүмкін деп қауіптенетінін мәлімдеді. Бұл жазба қоғамда үлкен резонанс туғызды.
Аталған ақпараттың таралуына байланысты полиция бұл дерек бойынша сотқа дейінгі тергеу жүргізіліп жатқанын хабарлады.
Өскемен қаласының полиция басқармасы тергеу Қазақстан Республикасы Қылмыстық кодексінің 121-бабы 4-бөлігінде көзделген қылмыстық құқық бұзушылық белгілері бойынша жүргізіліп жатқанын мәлімдеді.
– Күдіктіге қатысты заңда белгіленген тәртіппен бұлтартпау шарасы таңдалды. Кейіннен тергеу сотының қаулысымен бұлтартпау шарасы үйқамаққа өзгертілді. Тергеу жалғасып жатыр. Қажетті сот сараптамалары тағайындалды. Тергеудің толықтығын, жан-жақтылығын және объективтілігін қамтамасыз етуге бағытталған тергеу және процестік әрекеттер жүргізілуде, – деп хабарлады ШҚО полиция департаменті.
Полиция өкілдері Қазақстан Республикасы Қылмыстық-процестік кодексінің 201-бабы талаптарына сәйкес, тергеу мүддесіне байланысты іс бойынша өзге ақпарат жария етілмейтінін атап өтті.
