Облыс орталығында аула аумақтарын абаттандыру жұмыстары жалғасуда.
Қазір Крылов көшесіндегі № 68 үйдің ауласында тротуар тақталарын төсеуге арналған негіз дайындалып жатыр: құм жеткізіліп, тегістелуде. Сонымен қатар мамандар төсемтас төсеп, аумақты одан әрі абаттандыру үшін тротуар тақталарының жаңа партияларын жеткізуде.
Сәтбаев даңғылындағы № 15 үйдің ауласында мамандар бетон негізін төсеп, бетін тегістеп, төсемтас орнатып жатыр.
Абай көшесіндегі № 3, 5 және 7 үйлердің аулаларына жаңа асфальтбетон жабыны төселуде.
– Аула аумақтарын кешенді абаттандыру бекітілген кестеге сәйкес жүргізіліп жатыр. Жұмыстар тұрғындарға жайлы әрі қауіпсіз жағдай жасауға бағытталған. Биыл барлығы шамамен 40 аула абаттандырылады, – деп хабарлады Өскемен қаласының ТҮКШ бөлімінен.
Сонымен қатар биыл облыс орталығында сегіз футбол алаңы жабдықталып, көлік тұрақтарын жасау үшін аула аумақтарын кеңейту жұмыстары басталады.