Шығыс Қазақстан облысының 3х3 баскетболдан мемлекеттік қызметшілер арасындағы ерлер құрамасы республикалық спартакиадада алтын медаль жеңіп алды.
Финалда ШҚО командасы Атырау облысының құрамасымен кездесті. Тартысты өткен матчтың тағдыры соңғы секундтарда ғана шешілді. Шығысқазақстандық баскетболшылар 11:10 есебімен жеңісті жұлып алды.
Бір ұпай айырмашылығы финалды спорттық шеберліктің ғана емес, жүйкенің де нағыз сынағына айналдырды. ШҚО өкілдері қысымға төтеп беріп, ойын соңына дейін жинақылығын жоғалтпай, кездесуді жеңіспен аяқтады. Атыраулық команда алтын жүлдеге барынша жақын болды, алайда бұл жолы жеңіс біздің спортшыларға бұйырды.
Жарыс қорытындысы бойынша ШҚО мемлекеттік қызметшілерінің ерлер құрамасы бірінші орын алып, республикалық спартакиаданың чемпионы атанды.
