Шығыс Қазақстан облысының құрамасы Көкшетауда өткен мемлекеттік қызметшілер спартакиадасында жүзуден жалпыкомандалық есепте бірінші орын иеленді.
ШҚО командасы жалпы эстафетада жеңіске жетіп, алтын медаль алды. Жеке есепте Регина Бендер де бірінші орынға ие болды.
Нұрбек Боранғазы шалқалап жүзуден үшінші орын алды. Жігер Кеңесбеков еркін стильде 50 метрге жүзуден бесінші нәтиже көрсетті.
Жарыс қорытындысы бойынша Шығыс Қазақстан облысының құрамасы жалпыкомандалық есепте үздік нәтиже көрсетті. Өңір спортшылары суда өздеріне тең келер қарсылас жоқ екенін дәлелдеді: командалық сайыста бір алтын, жеке есепте жеңіс және бір қола жүлде.
