9 маусым күні Шығыс Қазақстан облысының аумағында дауылды ескерту жарияланды.
Синоптиктердің болжамынша, ертең өңірдің шығыс бөлігінде өткінші жаңбыр жауып, найзағай ойнайды. Облыстың батысында, шығысында және орталық аймақтарында желдің екпіні секундына 15-20 метрге дейін күшеюі мүмкін.
Күндіз аймақ бойынша ауа температурасы +35 градусқа дейін көтеріліп, қатты ыстық болады деп күтілуде.
Осыған байланысты облыс аумағында жоғары өрт қаупі сақталады. Ал өңірдің оңтүстігінде төтенше өрт қаупі жарияланған.