Өскемен қаласында Шешек асуындағы бұлақ аумағын абаттандыру жоспарланып отыр. Шаһар тұрғындары жиі баратын орын ретке келтіріліп, жайлы демалысқа лайықталып жабдықталады.
Бұл туралы қала әкімі Алмат Ақышов мәлімдеді.
Шешек асуы аумағында демалыс аймағы құрылып, орындықтар орнатылады. Сондай-ақ автотұрақ қарастырылады. Бұдан бөлек, іргелес аумаққа жаңа асфальт төселмек.
— Қаланы абаттандыру және тұрғындарға қолайлы жағдай жасау аясында «Шешек» бұлағының айналасы ретке келтіріледі. Таза ауызсу алуға ыңғайлы жағдай жасалады, — деді қала әкімі.
Жөндеу жұмыстары жуық арада басталады деп жоспарланған.