Шығыс Қазақстан облысында күн суытып, жаңбыр аралас қар жауады деп болжанып отыр.
Алдағы күндері еліміздің бірқатар өңірінде ауа райы бұлтты болып, жауын-шашын түседі. Солтүстік аймақтарда ауа температурасы нөлден төмендеп, жаңбыр қарға ұласып, көктайғақ пайда болуы ықтимал.
14-16 сәуір аралығында Қазақстанның шығысында қатты жаңбыр, қар және екпінді жел күтіледі. Сонымен қатар республика бойынша тұман түсіп, желдің күшеюі болжануда.
«Күндіз ауа температурасы 3-5 градус жылы болса, түнде 1-3 градусқа дейін төмендейді», — деп хабарлады «Қазгидромет» РМК.
Өскемен қаласында да 15-16 сәуір күндері жаңбыр аралас қар жауып, қатты жел соғады. Күндіз ауа температурасы 2-4 градус жылы, түнде 0-2 градус суық болады деп күтілуде.