Облыстық Төтенше жағдайлар департаменті баспасөз қызметінің мәліметіне сүйенсек, көктайғақ кезінде жарақат алып қалмау үшін қауіпсіздік ережелерін сақтау маңызды.
— Табаны қатты, сырғымайтын аяқ киімді таңдаңыз. Ауыр сөмкелерді өзіңізбен бірге алып жүрмеңіз, себебі тепе-теңдікті жоғалтып құлап қалу қаупі жоғары. Егер мұз басқан жерді айналып өтуге мүмкіндік болмай тұрса, онда мұз үстімен қысқа адымдар жасап, шаңғышы сияқты баяу сырғып қозғалыңыз, — делінген ақпаратта.
Қолыңызды қалтаңызға салып жүрмеңіз. Бұл құлаған кезде жарақат алу қаупін арттырады.
— Егер сырғанып кетсеңіз — сәл отырып, қолыңыздағы барлық нәрсені тастаңыз. Жолда телефонмен сөйлесуден бас тартыңыз. Көктайғақ әсіресе баспалдақта, жол жиектерінде аса қауіпті екенін ұмытпаңыз, — делінген хабарламада.