«102» арнасына қала тұрғыны хабарласып, оның «BMW» маркалы автокөлігін белгісіз біреудің айдап кеткенін хабарлаған. Соның салдарынан жәбірленушіге 2 000 000 теңге көлемінде материалдық шығын келтірілген.
— Жедел іздестіру шаралары барысында ШҚО ПД жедел басқару орталығының бейнебақылау инспекторлары мен ПД патрульдік полиция батальонының қызметкерлері бірлесіп, Өскемен-Алтай тасжолының 38-шақырымында іздеудегі автокөлікті тоқтатып, ұстады. Көлік тізгінінде бұрын сотталған 31 жастағы азамат болған, — деп хабарлады ШҚО Полиция департаментінің баспасөз қызметінен.
Аталған факті бойынша сотқа дейінгі тергеу амалдары басталды.