ШҚО-да жол жиегіне тасталған сібір шыршаларына қатысты түсініктеме берілді

Риддер қаласының жұртшылығы әлеуметтік желіде жол жиегінде тасталған кесілген шыршалар түсірілген видеоны қызу талқылап жатыр. Бейнежазбаны жергілікті тұрғындардың бірі түсірген. Азаматтар қылқан жапырақтыны кім және қайда алып бара жатқанын білгісі келіп, алаңдаушылық білдірді.
Бұл жағдайға байланысты Риддер орман шаруашылығынан түсініктеме берді.
— Кесілген ағаштар «Риддер орман шаруашылығы» КММ тұқымбағынан (орман өнімдерін шығару туралы бұйрық негізінде) қазылып, сатып алушыға жеткізу үшін дайындалған. Бұл жұмыстардың барлығы толықтай Қазақстан Республикасының қолданыстағы орман заңнамасына сәйкес жүргізіледі. Сондықтан алаңдауға еш негіз жоқ. Табиғат қорғау заңнамасы бұзылған жоқ, — деп хабарлады ведомство өкілдері.