Өңірде 11 қараша күні ауа райының күрт нашарлауына байланысты дауылды ескерту жарияланды. Синоптиктердің болжауынша, облыста қар жауып, көктайғақ пен боран күтіліп отыр. Кейбір аудандарда желдің екпіні секундына 23 метрге дейін жетуі мүмкін.
— Мұндай ауа райы жағдайында көлік жүргізушілеріне алыс жолға шықпауға кеңес береміз. Егер міндетті түрде жолға шығу керек болып жатса онда өзіңізбен бірге арқан, күрек, әйнек тазалайтын құрал, қосымша жанармай, шам, жылы киім, толық зарядталған телефон мен PowerBank, азық-түлік және ыстық шай құйылған термос алыңыз, — деп хабарлады ШҚО Төтенше жағдайлар департаментінен.
Облыстық маңызы бар тасжолдардағы жағдайды білу үшін көлік жүргізушілері «ОблШығысЖол» ЖШС-ға +7 (7232) 57-42-52, +7-705-798-05-99 телефон нөмірлері арқылы хабарласа алады.