«Қазгидромет» РМК ШҚО филиалының мәліметіне сүйенсек, 6 қарашада облыстың солтүстігінде, шығысында, оңтүстігінде қар, жаяу бұрқасын, көктайғақ күтіледі. Түнде және таңертең өңірдің шығысында тұман болады.
— Жел оңтүстік-батыстан соғады. Түнде облыстың оңтүстігінде, күндіз облыстың батысында, солтүстігінде, оңтүстігінде жел жылдамдығы секундына 15-20 метрді құрайды, — делінген ақпаратта.
Осы ретте, халыққа алыс жолға шықпау қажеттігі ескертілді.
— Мүмкіндігінше елді мекендерден шықпаңыздар. Егер шығу қажет болса, жолдардың жай-күйі туралы ақпаратты нақтылаңыз. Жолда жылдамдық режимі мен көліктер арасындағы арақашықтықты сақтаңыз, — делінген хабарламада.