Глубокое ауданының Глубокое кентінде бейнебақылау камералары орнатылып, іске қосылды.
— Қоғамдық қауіпсіздікті қамтамасыз ету және құқық бұзушылықтардың алдын алу мақсатында Глубокое кентінде бейнебақылау камералары пайдалануға берілді. Заманауи жүйелер қоғамдық орындардағы жағдайды нақты уақыт режимінде бақылауға, оқиғаларға дер кезінде әрекет етуге және қоғамдық тәртіп деңгейін арттыруға мүмкіндік береді, — деп хабарлады аудан әкімдігінен.
Айта кетейік, бұған дейін облыстағы бірқатар аудан орталықтарында бейнебақылау камералары іске қосылған болатын.