«Казцинк» ЖШС пен ШҚО Экология департаменті арасындағы меморандумға сәйкес, мамандар металлургиялық алаң аумағына кедергісіз кіре береді.
23 қазан күні экологтар кәсіпорында болып, шығарындылар көздерін тексеріп, тиісті аспаптық өлшеулер жүргізді.
Сондай-ақ компания ШҚО әкімдігімен жасалған келісімге сәйкес ҚМЖ кезінде өндіріс көлемін азайтып жатыр. Металлургиялық кешен бойынша жалпы өнімділік 20%-ға төмендетілді, ал мырыш зауытында жоспарлы-профилактикалық жұмыстарға байланысты қуаттылық 50%-ға дейін қысқартылды.