Бүгін Шығыс Қазақстан облысы мәслихатының кезекті 24-ші сессиясы өтті. Оған облыс әкімі Нұрымбет Сақтағанов, мәслихат төрағасы Денис Рыпаков, депутаттар мен тиісті басқарма басшылары қатысты.
Сессия барысында аймақ басшысы өзіне жүктелген функциялар мен міндеттерді орындауы жөнінде есеп берді.
— Өңір экономикасы қарқынды дамып келеді. Жыл басынан бері облыс экономикасына 542,2 млрд теңге инвестиция тартылды. Бұл көрсеткіш өткен жылмен салыстырғанда 16 пайызға артты. «Altay Invest-2025» халықаралық форумында 740 млрд теңгеге 41 меморандумға қол қойылды. 19 мыңнан астам жұмыс орны құрылды, оның ішіндегі 14 мыңы тұрақты жұмыс орындары, — деді Нұрымбет Сақтағанов.
