Өскемен қаласында Виноградов көшесін Меновное кентімен жалғайтын жаңа көпір салынады.
ШҚО Жолаушы көлігі және автомобиль жолдары басқармасының мәліметінше, осы жылдың наурыз-мамыр айлары аралығында көпір салуға қатысты зерттеулер жүргізілді. Қаладағы көлік қозғалысын реттеу, кептелісті азайту – өзекті мәселелердің бірі. Сондықтан жаңа көпір салынуының маңызы зор.
Бұл жоба шетелдіктердің де қызығушылығын тудырып отыр. Атап айтқанда, «Altay Invest 2025» халықаралық форумында қытайлық инвесторлар ынтымақтастық орнатуға дайын екендіктерін білдірді.
2025 жылдың соңына дейін жобалық-сметалық құжаттаманы әзірлеп, оны мемлекеттік сараптамаға жіберу жоспарланып отыр.